Қазіргі №154 негізгі мектебі бұрын Кеңес дәуірінде Коммунистік Партияның ХІХ сьезі атындағы №154 орталау мектебінің негізі 1943 жылы Ақтөбе облысынан көшіп келген «Тартоғай» кеңшарында қаланған. «Тартоғай» бекетінде жеті жылдық орыс-қазақ мектебі болғандықтан кеңшарда бірден мектеп ашылмаған. 1947 жылы осы күнгі мектеп тұрған жерде алғашқы орыс-қазақ мектебі ашылған.Бұл орыс-қазақ бастауыш мектебі – Тартоғай жеті жылдық орыс-қазақ мектебінің филиалы болған. Алғашқы бастауыш мектебінің басқарушысы және ондағы оқушылар саны қанша екендігі туралы деректер сақталмаған.
 1949-1950 оқу жылынан бастап осы бастауыш мектептің басқарушысы болып Сырмашев Дархан жұмыс істеген. Оқушылар саны 50-60, екі мұғалім болған. 1951 жылы оқушылар саны 80-100 ге көбеюіне байланысты Сейтқұлов Әуелбай және Оралбаев Қалмағанбетовтер ұстаздық еткен. Сонда мұғалімдер саны – 4 болған. Сонымен бірге 1951 жылы «Әулиетораңғылда», «Байсалда» және №3 фермада бастауыш мектептер ашылады.Қазіргі №228 орта мектебінің негізі сол 1951 жылы  №3 фермада ашылған бастауыш мектеп.1952 жылы «Тартоғай» кеңшарының орталығында ашылған орыс-қазақ бастауыш мектеп жеті жылдық мектеп болып құрылады.